రివ్యూ: ఏ మంత్రం వేసావె

Ye Mantram Vesave review

పెళ్ళిచూపులు, అర్జున్‌రెడ్డి సినిమాతో తనకంటూ ప్రత్యేక గుర్తింపు తెచ్చుకున్న హీరో విజయ్ దేవరకొండ. తాజాగా కొత్త దర్శకుడు శ్రీదర్‌ మర్రిని ఇండస్ట్రీకి పరిచయం చేస్తూ ఏం మంత్రం వేసావే అంటూ ప్రేక్షకుల ముందుకు వచ్చాడు. ఐదేళ్ల క్రితం తీసిన ఈ సినిమాతో విజయ్ మరోసారి ప్రేక్షకులను మెప్పించాడా..? లేదా చూద్దాం

కథ:

విజయ్(విజయ్ దేవరకొండ) డిజిటల్ గేమింగ్ అంటే ప్రాణం. గాడ్జెట్సే జీవితంగా అస్సలు బాధ్యత లేకుండా బతుకుతాడు. విజయ్‌కి ఓ అమ్మాయి(శివానిసింగ్‌)తో పరిచయం ఏర్పడుతుంది..వీరిద్దరు బెస్ట్ ఫ్రెండ్స్‌గా మారుతారు. విజయ్‌ని మార్చేందుకు శివాని తనతో గేమ్ ఆడి గెలవాలని ఛాలెంజ్ చేస్తుంది. సీన్ కట్ చేస్తే…శివాని కిడ్నాప్‌కు గురవుతుంది..?ఆమెను కిడ్నాప్ చేసింది ఎవరు..?ఎలా కాపాడాడు..?అన్నదే ఏం మంత్రం వేసావె కథ.

ప్లస్ పాయింట్స్:

సినిమాకు మేజర్ ప్లస్ పాయింట్స్ విజయ్ నటన. తన అద్భుత నటనతో ప్రేక్షకులను కట్టిపడేశాడు విజయ్ దేవరకొండ. అద్భుతమైన డైలాగ్‌లతో మెప్పించాడు. తొలిసినిమాతోనే ఆకట్టుకుంది శివానీ సింగ్‌. తన పాత్రకు వందశాతం న్యాయం చేసింది. ముఖ్యంగా విజయ్‌-శివానీ కెమిస్ట్రీ తెరపై అద్భుతంగా పండింది. మిగితా నటీనటులు తమ పరిధిమేరకు రాణించారు.

మైనస్ పాయింట్స్:

సినిమాకు మేజర్ మైనస్ పాయింట్స్ కామెడీ లేకపోవడం,పేలవమైన స్క్రీన్ ప్లే. కొన్ని సన్నివేశాలు బోర్ కొట్టిస్తాయి. ప్రేక్షకుల సహనానికి పరీక్ష పెడతాయి.

సాంకేతిక విభాగం:

సాంకేతికంగా సినిమాకు మంచి మార్కులే పడతాయి. సమద్ అందించిన పాటలు,సంగీతం బాగుంది. బ్యాక్ గ్రౌండ్ స్కోరు పర్వాలేదనిపిస్తుంది. శివారెడ్డి సినిమాటోగ్రఫీ బాగుంది. సహజమైన లొకేషన్స్‌తో కట్టిపడేశాడు. నిర్మాణ విలువలు బాగున్నాయి.

తీర్పు:

అర్జున్‌ రెడ్డితో ప్రేక్షకులను మెప్పించిన విజయ్ దేవరకొండ తాజాగా ఏం మంత్రం వేసావె అంటూ ప్రేక్షకుల ముందుకువచ్చాడు. శ్రీదర్ మర్రి దర్శకత్వంలో తెరకెక్కిన ఈ సినిమాకు విజయ్ నటన ప్లస్ పాయింట్‌ కాగా కామెడీ లేకపోవడం,పేలవమైన స్క్రీన్ ప్లే మైనస్ పాయింట్స్. ఓవరాల్‌గా కొత్తకాన్సెప్ట్‌తో ఏం మంత్రం వేసావె అంటూ వచ్చిన విజయ్‌…ప్రేక్షకులను నిరుత్సాహ పర్చాడనే చెప్పాలి.

విడుదల తేది:09/03/2018
రేటింగ్:2/5
నటీనటులు:విజయ్ దేవరకొండ,శివానీ సింగ్
సంగీతం:సమద్
నిర్మాత:మల్కపురం శివ కుమార్
దర్శకత్వం:శ్రీదర్ మర్రి